ក្លិបបាល់ទាត់បឹងកេតមានកិត្តិយសសូមជម្រាបជូនដំណឹងដល់អ្នកគាំទ្រ និងសាធារណជនឱ្យបានជ្រាបថា ក្លិបបានតែងតាំងលោក ឈុន សុធារ័ត្នជាគ្រូបង្វឹករបស់ក្រុមយុវជនអាយុក្រោម ១៨ឆ្នាំ ចាប់ពីពេលនេះតទៅ។

សូមរំលឹកថា លោកគ្រូ សុធារ័ត្ន គឺជាជំនួយការគ្រូបង្វឹកនៅក្រុមធំ ក្រោយពេលដែលគាត់បានប្រកាសចូលនិវត្តន៍ក្នុងនាមជាកីឡាករ កាលពីចប់រដូវកាល២០១៨ នៃលីគកំពូលកម្ពុជា។

ឈុន សុធារ័ត្ន៖ « សប្បាយចិត្តដែលថ្នាក់ដឹកនាំបានផ្ដល់ឱកាសអោយក្លាយជាគ្រូបង្វឹក » ។

បើប្រៀបធៀបកាលនៅជាកីឡាករ និងគ្រូបង្វឹក សុធារ័ត្នសារភាពថា៖ « ពិបាកច្រើន ព្រោះយើងត្រូវគិត និងមានទំនួលខុសត្រូវ ច្រើនជាងមុន ហើយត្រូវបង្រៀនឱ្យកីឡាករយល់ពីការបង្ហាត់របស់យើង » ។

សម្រាប់ប្រកួតបន្ទាប់ក្នុងពានរង្វាន់ KMH U18 League រដូវកាល ២០១៩ បឹងកេត នឹងត្រូវប្រកួតទល់នឹងក្រុមយុវជនអគ្គិសនីកម្ពុជា នៅថ្ងៃអាទិត្យ ទី ២០ ខែ មករា លើទីលាន KMH វេលាម៉ោង ៣ រសៀល ៕

ចុចចែករំលែក