ក្នុងការត្រៀមខ្លួនប្រកួតមិត្តភាពអន្តរជាតិរបស់ក្រុមជម្រើសជាតិកម្ពុជា ប្រកួតទល់នឹងក្រុមជម្រើសជាតិ បង់ក្លាដែស នៅថ្ងៃទី ៩ ខែ មីនា ឆ្នាំ ២០១៩ខាងមុខនេះ សហព័ន្ធកីឡាបាល់ទាត់កម្ពុជា បានបង្ហាញបញ្ជីឈ្មោះកីឡាករសរុប ២៤រូបដើម្បីប្រមូលផ្តុំហ្វឹកហាត់។

កីឡាករ ៤រូប របស់បឹងកេត ដែលទើបតែបញ្ចប់បេសកកម្មជាមួយក្រុមយុវជនជម្រើសជាតិកម្ពុជា ក្នុងពានរង្វាន់ AFF U-22 Championship កន្លងទៅដែលមានដូចជា អ្នកចាំទី ហ៊ុល គឹមហ៊ុយ ខ្សែការពារ ទេស សម្បត្តិ សេត រ៉ស៊ីប និង លី វ៉ាហេទ ក៏ត្រូវបានកោះហៅសារជាថ្មី។

សម្រាប់កីឡាករ ទេស សម្បត្តិ  គឺជាលើកដំបូងសម្រាប់គេ ដែលបានចូលរួមក្រុមជម្រើសជាតិកម្ពុជា ។

សូមជូនពរដល់អ្នកទាំង ៤ ទទួលបានជោគជ័យនិងជួយក្រុមជម្រើសជាតិកម្ពុជា ឱ្យទទួលបានជ័យជម្នះក្នុងការប្រកួតនាថ្ងៃខាងមុខនេះ ៕

ចុចចែករំលែក