ក្រោយពីសម្រាក ១សប្តាហ៍កន្លងទៅនេះ ក្រុមយុវជនបឹងកេតអាយុក្រោម ១៨ឆ្នាំ នឹងត្រូវធ្វើការប្រកួតសប្តាហ៍ទី ១១ ទល់នឹងក្រុមយុវជនភ្នំពេញក្រោនអាយុក្រោម ១៧ឆ្នាំ ក្នុងពានរង្វាន់ KMH CUP 2019 ។

កន្លងមួយសប្តាហ៍មកនេះ ក្រុមកំពូលតារាងទាំង ៤ កំពុងតែមានពិន្ទុប្រកៀកគ្នា ដោយក្នុងនោះយុវជនវិសាខា ដែលរងបរាជ័យទល់នឹងយុវជនភ្នំពេញក្រោន ១ ទល់នឹង ៣ ក្នុងសប្តាហ៍ទី ១០ របស់ខ្លួន ដែលធ្វើឱ្យយុវជនរបស់យើង តាមពីក្រោយ ២ពិន្ទុប៉ុណ្ណោះ ។

ស្របពេលដែលយុវជនព្រះខ័នរាជស្វាយរៀង ដែលបានរងបរាជ័យទល់នឹងយុវជនអគ្គិសនីកម្ពុជា ដោយលទ្ធផល ២-៣ បន្តស្ថិតនៅក្រោមយុវជនបឹងកេត ២ពិន្ទុ ។

សម្រាប់ការប្រកួតរបស់ក្រុមយុវជនយើង ទល់នឹងភ្នំពេញក្រោន នឹងប្រព្រឹត្តិទៅនៅថ្ងៃទី ៦ ខែមេសា ឆ្នាំ ២០១៩ វេលាម៉ោង ៣រសៀល នៅទីលាន KMH Park ៕

ចុចចែករំលែក