ក្រោយចប់ការប្រកួតវគ្គសន្សំពិន្ទុនៅក្នុងពានរង្វាន់ KMH CUP 2019 និងតាមលក្ខន្តិកៈនៃកម្មវិធីប្រកួត តម្រូវឱ្យមានការផ្លាស់ប្តូរសមាសភាព ២រូប នៅក្នុងក្រុមសម្រាប់ បេក្ខភាព ៤ក្រុមចុងក្រោយ យុវជនបឹងកេត បានបន្ថែមកម្លាំងថ្មី ២រូបបន្ថែមទៀត។

ក្នុងនោះមានដូចជា កីឡាករ សឿត ណាវ៉ា (អាយុ ១៨ឆ្នាំ) ដែលនឹងត្រូវជំនួសកីឡាករ កាយ ហេងលី និងមួយរូបទៀតគឺ កីឡាករ វន សុខៃតុ (អាយុ១៧ឆ្នាំ) ដែលនឹងត្រូវជំនួសកីឡាករ រ៉េះ ស្លៃម៉ាន់ ។

គួរឱ្យដឹងផងដែរថា កីឡាកររបស់យើង ២រូប នឹងអវត្តមានសម្រាប់ការប្រកួតវគ្គផ្តាច់ព្រ័ត្រ នៅដើមខែមិថុនាខាងមុខ ដោយសារតែជាប់ពិន័យកាតក្នុងប្រកួតកន្លងមកនៃវគ្គសន្សំពិន្ទុ ដែលមាន ស្រ៊ី ពិសិដ្ឋ (កាតលឿងពីរលើក) ហ៊ត ឈិនជិន (កាតក្រហមប្រកួតទល់នឹងយុវជន KMH)។

បច្ចុប្បន្ននេះយុវជនបឹងកេត ក្រោមការដឹកនាំរបស់លោក ឈុន សុធារ័ត្ន នឹងធ្វើការប្រមូលផ្តុំហ្វឹកហាត់ប្រចាំថ្ងៃ និងប្រកួតមិត្តភាពកម្តៅសាច់ដុំផងដែរ ដែលជាការត្រៀមខ្លួនចុងក្រោយមុនវគ្គផ្តាច់ព្រ័ត្រមកដល់នៅថ្ងៃទី ១ ខែ មិថុនា ខាងមុខ ៕

ចុចចែករំលែក