ក្នុងការប្រកួតទីពីរនៃព្រឹត្តិការណ៍កីឡាអាស៊ីអាគ្នេយ៍ SEA Games 2019 នៅប្រទេសហ្វីលីពីន វិញ្ញសាបាល់ទាត់ កម្ពុជា បានយកឈ្នះលើ ទីម័រខាងកើត ដោយលទ្ធផល ៥ ទល់នឹង ០ ទទួលបាន ៣ពិន្ទុបន្ថែម ឈរកំពូលតារាងពូល A ដោយមានពិន្ទុស្មើជាមួយមីយ៉ាន់ម៉ា ។

អំពីការប្រកួតនេះវិញ កីឡាកររបស់បឹងកេត ២រូបទទួលបានឱកាសបង្ហាញខ្លួនក្នុងជម្រើស ១១នាក់ដំបូង គឺអ្នកចាំទី ហ៊ុល គឹមហ៊ុយ និង ខ្សែការពារ ទេស សម្បត្តិ ។ អ្នកទាំងពីរមានឱកាសលេងពេញការប្រកួតតែម្តង ខណៈដែល ខ្សែប្រយុទ្ធ ជា វេសលី ត្រូវបានប្តូរចូលក្នុងវគ្គទីពីរនៃការប្រកួតនៅនាទី ៨៦ ។ រីឯកីឡាករ សេត រ៉ស៊ីប អង្គុយនៅកៅអីបំរុង ក្រោយបង្ហាញខ្លួនកាលពីប្រកួតទីមួយ ទល់នឹងហ្វីលីពីន។

ដូចនេះក្រុមជម្រើសជាតិកម្ពុជា U-22 ស្ថិតនៅលេខរៀងទី ១ មាន ៤ពិន្ទុ លេខ២ មីយ៉ាន់ម៉ា មាន ៤ពិន្ទុ លេខ ៣ ម៉ាឡេស៊ី មាន ១ពិន្ទុ លេខ ៤ ហ្វីលីពីន មាន១ពិន្ទុ និងលេខ៥ ទីម័រខាងកើត មាន០ពិន្ទុ ។ ប្រកួតបន្ទាប់របស់កម្ពុជា នឹងត្រូវជួប មីយ៉ាន់ម៉ា នៅថ្ងៃទី ២ ខែ ធ្នូ និងជួប ម៉ាឡេស៊ី នៅថ្ងៃទី ៤ ខែ ធ្នូ ៕

ចុចចែករំលែក