Boeung Ket Football Club
Boeung Ket Football Club
  • Home
  • News
  • Media
  • Fixtures & Result
  • League Table
  • PLAYER | STAFF
  • STORE
  • Academy
  • FAN
  • CLUB
    • History
    • CLUB MANAGEMENT
  • FOUNDATION
គីមហ៊ុយ៖ “ យើងបានឆ្លងកាត់រឿងលំបាកជាច្រើន តែយើងនៅតែអាចដណ្តើមបានជើងឯក, ខ្ញុំពិតជារំភើប ”

ថ្ងៃនេះ ក្រុមការងារគេហទំព័រ boeungketfc.com បានធ្វើកិច្ចសម្ភាសន៍ជាមួយនឹងអ្នកចាំទីវ័យក្មេង ហ៊ុល គីមហ៊ុយ ជុំវិញការចាប់ផ្តើមយ៉ាងល្អជាមួយក្លិបបឹងកេត ចាប់តាំងពីមករួមរស់កាលពីរដូវកាល ២០១៩កន្លងទៅ និងបានក្រសោបយកពានរង្វាន់ធំៗទាំងពីរ គឺ ពានរង្វាន់សម្តេចហ៊ុន សែន ឆ្នាំ ២០១៩ និង ពានរង្វាន់លីគកំពូលកម្ពុជា រដូវកាល ២០២០ និងទទួលបានពានរង្វាន់អ្នកចាំទីល្អជាងគេប្រចាំឆ្នាំ ២០១៩ និង ២០២០ថែមទៀតផង ។

pic-support-article

គីមហ៊ុយ, ចូរប្អូនប្រាប់ពីអារម្មណ៍របស់ប្អូន ចំពោះរដូវកាល ២០២០នេះ តើប្អូនទទួលបានអ្វីខ្លះ?

“ ខ្ញុំមានអារម្មណ៍រំភើបមែនទែន ដែលពួកយើងរួមរស់ជាមួយគ្នាពេញ១រដូវកាលនេះ ដោយឆ្លងកាត់នូវរឿងរ៉ាវលំបាកជាច្រើន ដូចជាការកាត់បន្ថយប្រាក់ខែអំឡុងជំងឺ COVID-19 តែពួកយើងនៅតែតស៊ូ ខំប្រឹងហ្វឹកហាត់រហូតបានឈ្នះពានលីគ ”

pic-support-article2

អ្វីដែលប្អូនទទួលបានក្នុងរយៈពេល ២រដូវកាលនៅបឹងកេត ?

“ សម្រាប់ ២រដូវកាលរបស់ខ្ញុំជាមួយបឹងកេត គឺទទួលបានបទពិសោធន៍ច្រើនមែនទែន តាំងពីការរស់នៅលក្ខណៈ Professional ទាំងការហ្វឹកហាត់ អារម្មណ៍ប្រកួត ” ។

តើវាជារឿងមិននឹកស្មានមែនទេ ចំពោះប្អូនដែលទទួលបានសមទ្ធិផលលឿនក្នុងការចូលរួមជាមួយក្លិប?

“ គោលដៅរបស់ខ្ញុំពេលចេញពីសាលាបាល់ទាត់ជាតិ គឺពិតជាច្រើនមែនទែនសម្រាប់ខ្ញុំ ព្រោះដំបូងខ្ញុំគិតថាធ្វើយ៉ាងណាដណ្តើមឱ្យបានជម្រើស ១១នាក់ដំបូងសិន តែអ្វីដែលមិននឹកស្មានគឺ ឈ្នះពានអ្នកចាំទីល្អ នៅលីគកំពូលកម្ពុជា ២ឆ្នាំជាប់គ្នា ” ។

ពួកយើងនឹងត្រូវចូលរួមក្នុងពានរង្វាន់អន្តរជាតិ គឺ AFC CUP 2021 តើប្អូនយល់យ៉ាងណាដែរ ?

“ ចំពោះពានរង្វាន់ AFC CUP ដែលយើងនឹងចូលរួមនៅឆ្នាំ ២០២១ ខ្ញុំគិតថាជាឱកាសល្អដើម្បីឱ្យយើងអាចបង្ហាញសមត្ថភាពតទល់ជាមួយនឹងក្រុមខ្លាំងៗក្នុងតំបន់ ហើយក៏ជាឱកាសមួយដែលអាចឱ្យមជ្ឍដ្ឋានខាងក្រៅមើលអំពីសមត្ថភាពរបស់ពួកយើង នោះយើងនឹងមានឱកាសបានទៅលេងក្រៅស្រុកថែមទៀតផង ” ។

pic-support-article1

តើកត្តាអ្វីខ្លះ ដែលនាំប្អូនឱ្យជោគជ័យដូចបច្ចុប្បន្ននេះ ?
គឹមហ៊ុយ៖ ១. គោលដៅ ២. ការខិតខំប្រឹងប្រែង ៣. មិនបោះបង់ ។

pocari banner in-article

អត្ថបទទាក់ទង



ចុចចែករំលែក
Share Button
Random image
Random image
Random image
Random image
BOEUNG KET FOOTBALL ASSOCIATION located at #B01, AOK Avenue 1, Borey Sunway Toul Kok, Boeung Kak I, Toul Kok, Phnom Penh, Cambodia
Email: info@boeungketfc.com
Tel: (855)12782333
COPYRIGHT © 2018 BOEUNG KET FA. ALL RIGHTS RESERVED
POWER BY BK DEVTM