នាល្ងាចថ្ងៃសៅរ៍ ទី ២៦ ខែ មីនា ឆ្នាំ ២០២២នេះ បឹងកេត បានត្រលប់មករកបានលទ្ធផលឈ្នះទល់នឹងក្លិប អង្គរថាយហ្គឺរ លទ្ធផល ២ ទល់នឹង ០ នៅកីឡដ្ឋាន ខេមបូឌាអ៊ែវ៉េ ដែលមានអ្នកចូលរួមទស្សនាផ្លូវការសរុប ៧០០នាក់ ក្នុងក្របខ័ណ្ឌលីគកំពូលកម្ពុជា ( Cambodian Premier League ) រដូវកាល ២០២២។
កីឡាករ ម៉ាត់ នូរុណ ដែលក្រោយពីការផ្លាស់ប្តូរចូលជំនួសកីឡាករ វ៉ាំង ដាវីន នៅនាទី ៥៣ បានបង្កើតឱកាសត៊ែតបាល់បញ្ចូលទី ពីការបញ្ចូនយ៉ាងល្អរបស់មិត្តរួមក្រុម សេត រ៉ស៊ីប នៅនាទី ៥៤ ។ លុះឈានចូលដល់នាទី ៨៨ កីឡាករ ឱ ភារុណ ក៏បង្កើតឱកាសទាត់បញ្ចូលទីនូវគ្រាប់ទីពីរ បានសម្រេច តែប៉ះជាមួយកីឡាករ មុត សត្យា ធ្វើឱ្យគ្រាប់បាល់នោះក្លាយជាគ្រាប់ Own Goal ។ ក្រោយចប់ការប្រកួត ម៉ាត់ នូរុណ ក៏ត្រូវបានជ្រើសរើសជាកីឡាករល្អប្រចាំការប្រកួតនេះផងដែរ។
លទ្ធផល ២-០ នេះ បាននាំឱ្យពួកយើង បង្កើតកំណត់ត្រាមួយចំនួន ពោលគឺយកឈ្នះលើអង្គរថាយហ្គឺរ ជាលើកដំបូងក្នុងទឹកដីរបស់ខ្លួន នៃក្របខ័ណ្ឌលីគកំពូលកម្ពុជា ចាប់តាំងពីឆ្នាំ ២០១៩ និងជាជ័យជម្នះដែលមិនរបូតគ្រាប់បាល់លើកដំបូងក្នុងរដូវកាល ២០២២នេះ ដោយបាន Cleansheets ទៅកាន់អ្នកចាំទី ហ៊ុល គឹមហ៊ុយ។
បច្ចុប្បន្ន ពួកយើងមាន ៦ពិន្ទុ ឈរនៅលេខរៀងទី ៥ ក្នុងតារាងចំណាត់ថ្នាក់ នៃជើងទីមួយនេះ ហើយយើងនឹងត្រូវបន្តជួប វិសាខា នៅកីឡដ្ឋានព្រីនស៍ វេលាម៉ោង ៦ និង ៣០នាទីល្ងាច ថ្ងៃទី ២ ខែ មេសា ឆ្នាំ ២០២២ ក្នុងសប្តាហ៍ទី ៥៕