ក្រុមហ៊ុនអាកាសចរ Cambodia Airways ដែលដៃគូឧបត្ថម្ភធំរបស់ក្លិបបាល់ទាត់បឹងកេត បានចូលរួមក្នុងបេសកកម្មដ៏អស្ចារ្យមួយ ដោយមានការយកចិត្តទុកដាក់ដ៏ខ្ពង់ខ្ពស់របស់ប្រមុខរាជរដ្ឋាភិបាលកម្ពុជា សម្តេចអគ្គមហាសេនាបតី តេជោ ហ៊ុន សែន ដល់ការធ្វើដំណើររបស់ប្រតិភូកីឡាកម្ពុជា ចូលរួមការប្រកួតកីឡា SEA GAMES នៅទីក្រុងហាណូយ ប្រទេសវៀតណាម នូវការសម្របសម្រួលពីរដ្ឋលេខាធិការដ្ឋានអាកាសចរណ៍ស៊ីវិល ក្រុមហ៊ុន Cambodia Airways បានផ្តល់យន្តហោះពិសេស ដឹកជញ្ជូនប្រតិភូកីឡាទាំងទៅទាំងមក ដោយឥតគិតថ្លៃ។
គួរឱ្យដឹងផងដែរថា ចំពោះវិញ្ញសារបាល់ទាត់ ផ្នែកបុរស កីឡាករក្លិបបឹងកេតចំនួន ០៥រូប ក៏បានចូលរួមជាមួយក្រុមជម្រើសជាតិកម្ពុជា អាយុក្រោម ២៣ឆ្នាំ នាព្រឹត្តិការណ៍ SEA GAMES លើកទី ៣១នេះផងដែរ ដោយរួមមាន ហ៊ុល គឹមហ៊ុយ, សឿត ណាវ៉ា, តាំង ប៊ុនឆៃ, វ៉ាំង ដាវីន និង សៀង ចន្ធា ។
តាមសេចក្តីជូនដំណឹងរបស់គណៈកម្មាធិការជាតិអូឡាំពិកកម្ពុជា ក្រុមកីឡាបាល់ទាត់បុរស-នារី រួមជាមួយនឹងប្រភេទកីឡាដទៃទៀត នឹងចេញដំណើរទៅមុនគេ នាថ្ងៃទី ៤ ខែ ឧសភា ឆ្នាំ ២០២២ តាមយន្តហោះពិសេស “ Charter Flight ” តែម្តង ហើយការធ្វើដំណើរចេញចូលព្រលានយន្តហោះអន្តរជាតិភ្នំពេញ គឺប្រើប្រាស់ច្រក VIP ទាំងអស់ ៕