ក្លិបបាល់ទាត់បឹងកេតអង្គរសូមប្រកាសពីកិច្ចព្រមព្រៀងក្នុងការនាំយកកីឡាករយុវជន ស្លេះស៊េន ពីក្លិបស៊ីម៉ាក់ជាផ្លូវការហើយនៅថ្ងៃនេះ។
កីឡាករវ័យ ១៨ ឆ្នាំរូបនេះបានសម្រេចចុះហត្ថលេខាលើកិច្ចសន្យារយះពេល២ឆ្នាំជាមួយបឹងកេតអង្គរអម្បិញមិញ។

អតីតកីឡាកររបស់ បៀលប្រាយយូណាយធីត និង ស៊ីម៉ាក់យូណាយធីត រូបនេះបានថ្លែងប្រាប់  boeungketfc.com ថា៖ « ថ្ងៃនេះជាថ្ងៃដ៏រីករាយបំផុតសម្រាប់ខ្ញុំដែលបានចុះកិច្ចសន្យាជាមួយក្លិបជើងឯកមួយនេះ  បឹងកេតអង្គរជាក្លិបដ៏អស្ចារ្យ ហើយខ្ញុំពិតជាមិនដែលធ្លាប់សូម្បីតែស្រម៉ៃថា មានឱកាសបានលេងនៅក្នុងក្លិបដ៏ធំបែបនេះខ្ញុំប្ដេជ្ញាថានឹងខិតខំប្រឹងប្រែងអភិវឌ្ឍន៍ខ្លួនឯងឲ្យកាន់តែប្រសើរដើម្បីមានឱកាសបានបង្ហាញខ្លូួនក្នុងជម្រើសដំបូងជាពិសេសនៅរដូវកាលក្រោយដើម្បីជួយក្លិបការពារតំណែងជើងឯកឲ្យបាន »។

ឥឡូវនេះខ្ញុំហាក់មានអារម្មណ៍ថាអន្ទះសារណាស់ក្នុងការជួបជាមួយកីឡាកររៀមច្បងទាំងអស់នៅលើទីលានហ្វឹកហាត់ជាលើកដំបូងនៅរសៀលនេះ ស្លេះស៊េនពោលបន្ថែម។

ចុចចែករំលែក