ក្រុមយុវជនថ្នាលអាយុក្រោម១៧ឆ្នាំរបស់យើង នឹងចូលរួមប្រកួតក្នុងពានរង្វាន់ KMH U18 League 2019 ដែលគ្រោងនឹងចាប់ផ្តើមនៅចុងសប្តាហ៍នេះ ។

គួររំលឹកថា ពួកយើងបានធ្វើការជ្រើសរើសយុវជនរួចរាល់ហើយ ដោយគ្រោងនឹងធ្វើការប្រកាសជាផ្លូវការក្នុងពេលឆាប់ៗនេះ ដូចនេះពួកគេនឹងបង្ហាញខ្លួនក្នុងការប្រកួតពានរង្វាន់មួយនេះ ។

នៅក្នុងពានរង្វាន់នេះផងដែរក៏នឹងមានសមាសភាពក្រុមយុវជនក្លិបដទៃផ្សេងទៀតរួមមាន ព្រះខ័នរាជស្វាយរៀង U18 វិសាខា U17 ខេអឹមអេច Academy U18 យុវជនកាហ្វេ U18 យុវជនអគ្គិសនីកម្ពុជា និង ភ្នំពេញក្រោន U17 ។

លក្ខន្តិកៈនៃកម្មវិធីប្រកួតគឺតម្រូវឱ្យក្រុមទាំងអស់ប្រកួតគ្នាទៅវិញទៅមកសន្សំពិន្ទុ ២ជុំ សរុប ១៤សប្តាហ៍ ។ បន្ទាប់មក ក្រុមចំណាត់ថ្នាក់លេខ ១ និង ២ ប្រកួតគ្នាពីរជើង រកក្រុមឈ្នះ រីឯក្រុមចំណាត់ថ្នាក់លេខ ៣ និង ៤ ប្រកួតគ្នាពីរជើង រកក្រុមឈ្នះ ដើម្បីប្រកួតគ្នាវគ្គផ្តាច់ព្រ័ត្រ ។

តាមកាលវិភាគដែលទទួលបាន យុវជនរបស់យើងនឹងធ្វើការប្រកួតបើកឆាក ទល់នឹងក្រុមព្រះខ័នរាជស្វាយរៀង U18 នៅថ្ងៃទី ១២ ខែ មករា ឆ្នាំ ២០១៩ វេលាម៉ោង ៤រសៀល នៅទីលាន KMH ៕

សម្រាប់កម្មវិធីប្រកួតលំអិត៖

ចុចចែករំលែក