នាព្រឹកថ្ងៃទី២៦ ខែ មករា ឆ្នាំ ២០១៩នេះ អ្នកចាំទីដៃទីមួយរបស់ក្លិបបាល់ទាត់បឹងកេត ដែលកំពុងស្ថិតក្នុងប្រទេសវៀតណាម ព្យាបាលរបួសដាច់សរសៃជង្គង់ខាងស្តាំរបស់ខ្លួន បានឆ្លងកាត់ការវះកាត់ដោយទទួលជោគជ័យ។
គឹម មករា៖ « ខាងគ្រូពេទ្យប្រាប់ថា ការវះកាត់ពេលនេះទទួលបានជោគជ័យហើយ ប៉ុន្តែនៅតាមដានអាការៈបន្តទៀត ព្រោះឥលូវនេះជើងខ្ញុំកំពុងស្ពឺក » ។
គួររំលឹកថារបួសដាច់សរសៃជង្គង់ខាងស្តាំរបស់ មករា គឺកើតឡើងអំឡុងការហ្វឹកហាត់ត្រៀមរដូវកាលថ្មីជាមួយក្លិបកាលពីចុងខែធ្នូ កន្លងមក ហើយតាមការពិនិត្យស្ថានភាពពីក្រុមគ្រូពេទ្យ អ្នកចាំទីដៃទីមួយរូបនេះ អាចនឹងអវត្តមានពេញមួយរដូវកាល ទើបអាចត្រឡប់ទៅដូចដើមវិញ ។
សូមបញ្ជាក់ថារាល់ការចំណាយក្នុងការទៅវះកាត់របស់កីឡាករ គឺម មករា គឺជាបន្ទុករបស់ក្លិបរាប់រងទាំងអស់ ហើយក្លិបក៏សូមជូនពរឱ្យគាត់ឆាប់ជាសះស្បើយ ដើម្បីចូលរួមជួយក្លិបវិញនាពេលខាងមុខ ៕
