នៅថ្ងៃពុធទី១១ខែឧសភាម្សិលម៉ិញ នៅឯទីលានកីឡាដ្ឋានស្ដាតចាស់ ក្រុមយុវជនថ្នាលរបស់បឹងកេតអង្គរបានជួបប្រកួតសាកល្បងបច្ចេកទេសជាមួយយុវជនថ្នាលរបស់ក្រុមក្រសួងការពារជាតិ។
ម្ចាស់ផ្ទះជាអ្នករកគ្រាប់បាល់នាំមុខមុននៅពាក់កណ្ដាលតង់ទី១ តែ ឱ ភារុណ ពាកលេខ១១របស់បឹងកេតអង្គរ(U-19) ជាអ្នករកគ្រាប់បាល់តាមស្មើ ១-១ វិញនៅចុងតង់។ ចូលមកដល់តង់ទី២ក្រុមទាំងពីរមានឱកាសនៅនឹងមុខទីច្រើនដងដូចគ្នាតែធ្វើមិនបានសម្រេច ដូច្នេះចប់ការប្រកួតក្រុមទាំងពីរបញ្ចប់ដោយលទ្ធផលស្មើគ្នា ១ទល់១ ។
ក្រុមយុវជនថ្នាលរបស់បឹងកេតអង្គរត្រូវត្រៀមខ្លួនចូលរួមក្នុងពានរង្វាន់យុវជន RSN Youth Competition ដែលរៀបចំឡើងដោយក្លិបភ្នំពេញក្រោន ក្នុងនោះមានក្រុម U-19 មកពីក្លិបធំចំនួន៤រួមមាន៖ ភ្នំពេញក្រោន ព្រះខ័នរាជស្វាយរៀង ក្រសួងការពារជាតិ និងបឹងកេតអង្គរ។
