សហព័ន្ធកីឡាបាល់ទាត់នៃព្រះរាជាណាចក្រកម្ពុជាបានចេញបញ្ជីឈ្មោះក្រុមកីឡាករជម្រើសជាតិដើម្បីត្រៀមប្រកួតវគ្គជម្រុះជើងឯកប្រចាំទ្វីបអាស៊ីទល់និង ចិនតៃប៉ិ នាដើមខែមិថុនាខាងមុខនេះ។
ក្នុងបញ្ជីនោះដែលទំព័រហ្វេសប៊ុកផ្លូវការរបស់សហព័ន្ធចេញផ្សាយកាលពីម្សិលម៉ិញរួមមានមន្ត្រីបច្ចេកទេសចំនួន៨រូប ព្រមទាំងកីឡាករចំនួន២៥រូបមកពីបណ្ដាក្លិបចំនួន៦ ក្នុងលីគកំពូលកម្ពុជា។
ក្នុងចំនោមកីឡាករទាំង២៥រូបក្នុងនោះមាន ៦រូបជាកីឡាកររបស់ ក្លិបបឹងកេតអង្គរ ដូចជា៖
ចាន់ វឌ្ឍនាការ, សុខ សុវណ្ណ, ហុង ផេង, រស់ សំអឿន, ឃួន ឡាបូរាវី និង ស៊ូ យ៉ាទី
វគ្គជម្រុះក្នុុងឆ្នាំ២០១៦ ជេីងទី១កម្ពុជាត្រូវជួបជាមួយ ចិនតៃប៉ិ ថ្ងៃទី២ ខែមិថុនា ឆ្នាំ២០១៦ និងការប្រកួតជេីងទី២ នៅថ្ងែទី៧ ខែមិថុនា ឆ្នាំ២០១៦ នៅរាជធានីភ្នំពេញ។
