ខ្សែបម្រើសញ្ជាតិជប៉ុន Yuya Wada នឹងត្រូវអវត្តមានរហូតដល់ចប់រដូវកាលនេះតែម្ដង ដោយសាររបួស កជើង ក្រោយការប៉ះទង្គិចជាមួយកីឡាករ សរ ពិសិដ្ធ របស់ក្រសួងការពារជាតិ។
Yuya បានរងរបួស កជើង ហើយត្រូវប្ដូរចេញភ្លាមៗនៅនាទីទី ៥៣ ក្រោយការបើកបាត (Tackle) របស់ខ្សែការពារក្រសួងការពារជាតិ ក្នុងជំនួបដែលបញ្ចប់ដោយលទ្ធផលស្មើ ២-២ នៃពានរង្វាន់លីគកំពូល សប្ដាហ៍ទី ១៣ កន្លងមក។
មកទល់ពេលនេះ អាការៈ របស់គេបានធូរស្រាលបន្ដិចហើយ ប៉ុន្ដែ Yuya ត្រូវធ្វើដំណើរដោយឈើច្រត់រយៈពេល ៣ សប្ដាហ៍សិន ខណៈលោក វេជ្ជបណ្ឌិត បានបញ្ជាក់ថា Yuya ត្រូវការសំរាកយ៉ាងហោចណាស់ ២ខែ ដើម្បីអាចត្រឡប់មកហ្វឹកហាត់វិញបាន។